სასამართლოს გადაწყვეტილებით ჟურნალისტ ვახო სანაიაზე თავდამსხმაში მონაწილე პირები საპატიმროს ტოვებენ, თუმცა ისინი დამნაშავეებად ცნეს და მათ შეეფარდათ 6 თვიანი პატიმრობა, რომლის ვადაც უკვე გასულია, ვინაიდან თავდასხმა განხორციელდა 25 თებერვალს.
სასამართლოს მიერ მიღებულ გადაწყვეტილებაზე კომენტარი გააკეთა დაზარებულმა:
,,ჩვენ წინა დღეებშიც ვამბობდით, მოსამართლემ სპეციალურად გააჭიანურა სასამართლო სხდომა. 25 თებერვალს მოხდა ეს თავდასხმა და მოიყვანა 25 აგვისტომდე სპეციალურად, ხელოვნურად გადადო სასამართლო პროცესი, რამდენჯერმე და შემდეგ მიუსაჯა 6 თვე, რომელიც უკვე გასულია და გაათავისუფლა ბრალდებულები.
ეს არის ვითარება, როდესაც უსამართლო სასამართლო კიდევ ერთხელ ახალისებს დანაშაულს.
ახლა ახლოვდება არჩევნები. ერთ-ერთი, გიგაური – ეს არის, ასე ვთქვათ, ძალადობრივი კლანის წარმომადგენელი ,,ქართულ ოცნებასთან“ დაახლოებული გეგეშიძისა, რომელსაც ასევე ეპატია სპორტსმენის საჯაროდ კამერების წინ ცემა. ყველა მტკიცებულება ჰქონდა სასამართლოს დღეს იმისთვის, რომ ეს ადამიანები დაეტოვებინა ციხეში“, – აცხადებს ვახო სანაია.
ავტორი
ნინი ხიჯაკაძე
