პარტია ,,საქართველოსთვის“ პოლიტიკური საბჭოსა და პარლამენტის წევრი ანა ბუჩუკური აცხადებს, რომ დაკავებულია მათი თანაგუნდელი აკაკი ბართაია, რომელზეც ჯერ ხორციელდებოდა მუქარა, შანტაჟი, ხოლო შემდეგ ჩაუდეს იარაღი და დააკავეს იარაღის უკანონო ტარების საფუძველზე:
,,შანტაჟის, დამუქრების, სამსახურიდაან განთავისუფლების შემდეგ, ახლა უკვე მმართველმა პარტიამ დაიწყო დაჭერები, სამარცხვინო და უღირსი მეთოდის ჩადების გამოყენებით. დღისით, მზისით იარაღი ჩაუდეს და დააკავეს ჩვენი პარტიის მხარდამჭერი აკაკი ბართაია, რომელსაც ჯერ ახლობლების მეშვეობით შეუთვალეს, რომ შეეწყვიტა აქტიური პოლიტიკური საქმიანობა, წინააღმდეგ შემთხვევაში დაემუქრნენ დაჭერით.
რამდენიმე დღეში კი მას იარაღი ჩაუდეს ავტომანქანის საბარგულში.
პოლიციელებმა გახსნეს ჩემოდანი და ამოიღეს იარაღი. ამ საფუძვლით მოხდა მისი დაკავება და შემდგომში ფიზიკური ძალის გამოყენებით მისი ბიოლოგიური მასალის, კერძოდ, ნერწყვის აღება. რა დროსაც აკაკი მიიღო დაზიანება“, – განაცხადა ანა ბუუკურმა.
ავტორი
ნინი ხიჯაკაძე
