“სუსმა, როგორც ჩანს, მოახერხა მაინც ჩემი “ფეიჯის” გატეხვა, უკვე მეორეჯერ…” – მიხეილ სააკაშვილი

საქართველოს მესამე პრეზიდენტი, მიხეილ სააკაშვილი ფეისბუქის საკუთარი გვერდის გატეხვის თაობაზე წერს სოციალურ ქსელში:

“სუსმა, როგორც ჩანს, მოახერხა მაინც ჩემი “ფეიჯის” გატეხვა, უკვე მეორეჯერ, რაღაც სრულიად გაურკვეველი ტექსტით.

ახლა მივწერე Facebook-ს რომ დამატებით დაცვები დაამატოს.

მაინც არაფერი არ გამოგივათ მეგობრებო, არც ერთ ამ თემაზე, რომელზეც ახლა ნერვიულობთ“, – წერს ფეისბუქის პირად გვერდზე მიხეილ სააკაშვილი.

ინფორმაციისთვის: სოციალურ ქსელში გავრცელდა ფეისბუქ-პოსტის გრაფიკული ინფორმაცია, მიხეილ სააკაშვილის ფბ-გვერდიდან, სადაც წერია, რომ საქართველოში მძიმე ეპიდემიოლოგიური მდგომარეობაა, რაც “ოცნებას” დამსახურებულად უნდა “შეეტენოს” და საჭიროა დაიწყოს კამპანია “ივანიშვილი გკლავს”…