“კიდევ ერთხელ მოვუწოდებ ჩვენს მოსახლეობას, ინტენსიურად ჩაერთონ აცრებში” – ეკატერინე ტიკარაძე

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ეკატერინე ტიკარაძემ ქვეყანაში ეპიდემიოლოგიური მდგომარეობის შეფასებისას აღნიშნა, რომ იზრდება დაავადებულტა რაოდენობა, შესაბამისად საწოლფონდებისაც, ამიტომ მოსახლეობას მოუწოდებს რეგულაციების დაცვისკენ სოციალური დისტანციის დაცვას, პირბადის ტარებასა და ვაქცინაციას:

,,მობილიზებული არის და ეტაპობრივად იზრდება საწოლფონდი კოვიდ- სასტუმროებში. დღესდღეობით კლინიკურ სექტორში, ჰოსპიტალში მობილიზებული არის 7000-მდე საწოლი, საიდანაც 6000-მდე საწოლი დაკავებული არის.

ამ ეტაპისთვის მკურნალობას ინტენსიურ საწოლზე გადის 1200-მდე პაციენტი, რაც რა თქმა უნდა, არის საყურადღებო.

მე მოვუწოდებ კიდევ ერთხელ ჩვენს მოსახლეობას, ინტენსიურად ჩაერთონ აცრებში. ასევე, არ დაავიწყდეთ, რომ მნიშნელოვანი არის ნიღბის გამოყენება და სოციალური დისტანცია“, – განაცხადა ეკატერინე ტიკარაძემ.

ავტორი
ნინი ხიჯაკაძე