დღეს პრაქტიკოსი პედაგოგები კომპეტენციას პროფესიულ უნარებში დაადასტურებენ. ტესტირება კოვიდპანდემიასთან დაკავშირებული ყველა რეგულაციის დაცვით ტარდება.
პროცესის მიმდინარეობას თბილისის საგამოცდო ცენტრებში საქართველოს განათლებისა და მეცნიერების მინისტრის მოადგილე ეკატერინე დგებუაძე და შეფასებისა და გამოცდების ეროვნული ცენტრის დირექტორი სოფიო გორგოძე დააკვირდნენ.
მასწავლებლის საგნის გამოცდაზე და საგნობრივი და პროფესიული კომპეტენციების დასადასტურებლად რეგისტრაცია 28 700-ზე მეტმა მსურველმა გაიარა.
