“პარლამენტის წევრობა არ არის კობახიძის სურვილისამებრ რაღაც ქაღალდზე რაღაცის ხელმოწერა” – ელენე ხოშტარია

პოლიტიკური მოძრაობა ,,დროა“-ს დამფუძნებელი ელენე ხოშტარია კომენტარს აკეთებს პარლამენტის წევრობის საკითხზე – დეპუტატის მანდატთან დაკავშირებით და მიიჩნევს, რომ პარლამენტი ,,არის ძალიან სერიოზული ინსტიტუტი, რომლის ესეთი გაბაიბურება ნამდვილად არ შეიძლება“. ოპოზიციონერი ლიდერი უარს აცხადებს პარლამენტარის მანდატზე:

,,დამოკიდებულება ამ მანდატის მიმართ დავაფიქსირე. მე არ ვარ პარლამენტის წევრი. პარლამენტის წევრობა არ არის კობახიძის სურვილისამებრ რაღაც ქაღალდზე რაღაცის ხელმოწერა, ამის მიხედვით არ განისაზღვრება.

მანდატის მიმართ ის დამოკიდებულება, რაც ამ თვეების განმავლობაში გამოაცხადეს ,,ქართული ოცნების“ წევრებმა, არის ძალიან ცუდი პრეცენდენტი. იმიტომ, რომ ისინი პარტიული ინტერესების მიხედვით განიხილავენ ან არ განიხილავენ, გადადებენ და როგორც მათ აწყობთ ამის მიხედვით, უბრალოდ ტექნიკური თვალსაზრისით განსაზღვრავენ პარლამენტის წევრობას.

ყველას ჰქონდა განცხადება შეტანილი არ განიხილეს, მერე იმუქრებოდნენ – ეს არ არის პარლამენტის წევრობა! ეს არ არის პარლამენტის მანდატი! ეს არის ძალიან სერიოზული ინსტიტუტი, რომლის ესეთი გაბაიბურება ნამდვილად არ შეიძლება!“, – განაცხადა ელენე ხოშტარიამ.

ავტორი
ნინი ხიჯაკაძე