“დატკბით, ჯიგრებო, გამთათხეთ!” – რობერტ სტურუა

მხოლოდ ეს სამი სიტყვა გამოაქვეყნა, ფოტოსთან ერთად, სოციალურ ქსელში რობერტ სტურუამ –  “დატკბით, ჯიგრებო, გამთათხეთ!“.

ამ პოსტით, სავარაუდოდ, უპირველესად საზოგადოების იმ ნაწილს მიმართა, ვინც რუსთაველის თეატრის დასის, რუსთაველის თეატრის სამხატვრო ხელმძღვანელთან რობერტ სტურუასთან ერთად მოსკოვში ჩეხოვის ფესტივალში მონაწილეობის მიღებას მწვავედ აკრიტიკებს.

რობერტ სტურუა, გასტროლებთან დაკავშირებით, ბოლო დღეების განმავლობაში, საზოგადოებაში გაჩენილ აზრთა სხვადასხვაობას სოციალურ ქსელში რამდენიმე პოსტით გამოეხმაურა:

“ეს ნაციტების უკანასკნელი ამონაბოლქვი გახლავთ: ცრუპატრიოტების ბოლო რწყევა! სამშობლო მიყიდეს რუსებს! ახლაც ყიდიან! ფული უთავდებათ და ჩვენ გვიკივიან!

ყველა უბედურებასთან ერთად, რაც ნაცისტების კრეტინობას მოჰყვა, მთელი მსოფლიო
ჩვენ, ქართეველებს, უკვე რასისტებად აღგვიქვამს! გული მტკივა!” – წერს ფეისბუქის პირად გვერდზე რობერტ სტურუა.

შეგახსენებთ, რომ რუსთაველის თეატრის დასი 30 ივნისი – 2 ივლისი პერიოდში მონაწილეობას მიიღებს რუსეთის დედაქალაქ მოსკოვში გამართულ ჩეხოვის ფესტივალში.