აქცია ლიბერთი ბანკის სათაო ოფისთან – ადგილზე “სტრატეგია აღმაშენებლის” მიერ ორგანიზებული გამაფრთხილებელი აქცია გაიმართა, სადაც პენსიონერები და პარტიის წარმომადგენლები იყვნენ შეკრებილები. აქციაზე მოსული მოსახლეობა საპროცენტო განაკვეთის შემცირებას და ლიბერთი ბანკის მიერ საპენსიო სესხისა და პენსიის გაცემის მონოპოლიზირებულ სქემა გააპროტესტეს
“ჩვენ ვხედავთ თაღლითობას “ლიბერთი ბანკის” მხრიდან და სწორედ ამიტომ ვითხოვთ ძალიან მარტივ რამეს, რომ ამ ბანკს არ ჰქონდეს პენსიონრების ძარცვის მონოპოლიური უფლება. ჩვენ აუცილებლად ვიბრძოლებთ ბოლომდე პენსიონრების უფლებებისთვის.
დღეს პენსიონრები, დევნილები, შშმ პირები იხდიან უსამართლოდ მაღალი სესხის პროცენტს და ნაცვლად იმისა, რომ გამოსულიყვნენ დღეს ხელისუფლების და ლიბერთი ბანკის წარმომადგენლები და ეთქვათ, რომ გავზრდით კონკურენციას რაც პროცენტების დაწევას უზრუნველყოფდა თქვეს, რომ წლის ბოლომდე განაგრძობენ მოსახლეობის ძარცვას, შემდეგ კი ხელახალ კონტრაქტს გავაფორმებთო. არანაირი ტენდერი საჭირო არ არის, თავისუფლება სჭირდება პენსიონერს რათა თავად გადაწყვიტოს თუ რომელ ბანკში აიღოს პენსია, სწორედ ამისთვის გაიმართა დღევანდელი აქცია, რომელიც იყო გამაფრთხილებელი. თუ გონს არ მოეგება ხელისუფლება, აუცილებლად შევკრებ მთელი საქართველოდან პენსიონრებს და შემდეგ მათ მძარცველებს მოუწევთ ძალიან მძიმე პასუხის გადახდა.
საკითხი არის მარტივი, ლიბერთი ბანკს რუხაძესთან ერთად მონოპოლია აქვს პენსიების გაცემაზე, მომოპოლია აქვს საპენსიო სესხებზე და 36 პროცენტში აძლევს პენსიონრებს სესხს, ეს ძარცვა უნდა დასრულდეს” – გიორგი ვაშაძე