“ჩვენ ქვეყანაში ეს სასამართლო, ეს პროკურატურა – პოლიტიზირებული, ერთი კაცის მართული, უნდა დამთავრდეს!” – მამუკა ხაზარაძე

პარლამენტის ფრაქცია ,,ლელო – პარტნიორობა საქართველოსთვის“ წევრი მამუკა ხაზარაძე საეჭვო დამთხვევის შესახებ საუბრობს და აღნიშნავს, რომ 18 თვიანი პაუზის შემდეგ მისი სასამართლო პროცესი კვლავ განახლდა, მას შემდეგ, რაც 22 ივნისის საპარლამენტო პლენარულ სხდომაზე იმუნიტეტის მოხსნის თაობაზე კანონში შესატან ცვლილებებს მხარი არ დაუჭირა:

,,საეჭვო დამთხვევა მოხდა, გუშინ მე წინააღმდეგ წავედი პარლამენტში კანონში იმ ჩანაწერთან დაკავშირებით, რომელიც პარლამენტარის იმუნიტეტის მოხსნის რაოდენობრივ კვოტას ეხებოდა.

როგორც კი ეს განცხადება გავაკეთე, სულ რაღააც მოკლე ხანში მოხდა სასამართლოს ჩანიშვნა. შეიძლება ეს დამთხვევაა, შეიძლება ეს არის სპეციალურად გაკეთებული – ამას არ აქვს მნიშვნელობა! მნიშვნელობა აქვს იმას, რომ ჩვენ ქვეყანაში ეს სასამართლო, ეს პროკურატურა – პოლიტიზირებული, ერთი კაცის მართული უნდა დამთავრდეს.

ვერ ეღირსება ერთი კაცი და მისი, ესე ვთქვათ – ის უკანონო გადაწყვეტილებების აღმსრულებლები, რომ რაიმე მეთოდით ჩვენ უკან დავიხიოთ რამეზე“, – განაცხადა მამუკა ხაზარაძემ.

ავტორი
ნინი ხიჯაკაძე