დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალურმა დირექტორმა ამირან გამყრელიძემ განაცხადა, რომ ივლისის თვეში ქვეყანაში შემოვა ვაქცინის 3 მლნ-მდე დოზა, თუმცა, იმ მოქალაქეებისთვის, რომელთათვისაც ვერ ესწრება ,,ასტრაზენეკას“ შემოტანა, საშუალება ექნებათ აირჩიონ ალტერნატიული ვარიანტი:
,,არ დავმალავთ, იყო გარკვეული ლოჯისტიკური ნაკლოვანებები, ამ პასუხისმგებლობას, მათ შორის, იზიარებს ,,დაავადებათა კონტროლის ცენტრიც“, მაგრამ ეს არ არის ის, რომ ადამიანთა ჯანმრთელობას მიადგეს ზიანი.
აცრებზე მზარდი მოთხოვნილების დაკმაყოფილების მიზნით, საქართველოს მთავრობასა და ვაქცინის მწარმოებელ კომპანიებს შორის გაფორმებული ხელშეკრულებებისა და ,,კოვაქვს“ პლატფორმასთან არსებული შეთანხმების საფუძველზე, ივლისის თვიდან დაგეგმილია 3 მლნ-ზე მეტი დოზა ვაქცინის თანდათანობით მოწოდება ქვეყნისთვის.
ამასთან ,,კოვაქს“ პლატფორმიდან შესყიდული ,,ასტრაზენეკას” წარმოების ვაქცინის მოწოდებაში შექმნილი დროებითი შეფერხების გამო ვერ ხორციელდება აღნიშნული ვაქცინის პირველ დოზაზე და რევაქცინაციის მიზნით, პირველი აცრიდან ათ კვირამდე პერიოდში მეორე დოზაზე რეგისტრირებული მოქალაქეების აცრა, მათ მიერ განსაზღვრულ თარიღში.
ყველა იმ მოქალაქეს, რომლებსაც დაგეგმლი ჰქონდათ თავიანთი აცრა ,,ასტრაზენეკას“ ვაქცინით, უახლოეს პერიოდში მიეცემათ აცრის ჩატარების შესაძლებლობა, რაზეც დამატებით გაკეთდება განცხადება.
ასევე, ყველა იმ მოქალაქეს, რომელსაც დაჯავშნილი ჰქონდა რევაქციანაცია პირველი დოზიდან 10-12 კვირის პერიოდში, შეფერხების გარეშე შეძლებენ აცრას მათ მიერ შერჩეულ თარიღში.
კიდევ ერთხელ გიხდით ბოდიშს შექმნილი უხერხულობისთვის.
ალტერნატიული შეიძლება იყოს, რომ პირველ დოზაზე ვინც იყო ჩაწერილი, შეიძლება მათ ჩვენ შევთავაზოთ, თუ ისინი დათანხმდებიან, რა თქმა უნდა, და სურთ – ,,სინოფარმით“ ან ,,სინოვაკით“, – განაცხადა ამირან გამყრელიძემ.
ავტორი
ნინი ხიჯაკაძე
