პარტია ,,გირჩი – მეტი თავისუფლების“ თავმჯდომარე ზურაბ გირჩი ჯაფარიძე საქართველოს NATO-ში გაწევრიანების თაობაზე საუბრისას აღნიშნავს, რომ მმართველ ხელისუფლებას არ უმუშავია რეალურად იმ საკითხზე, რომ გახდეს NATO-ს წევრი ქვეყანა:
,,მე არ მაქვს რაღაც განსაკუთრებული მოლოდინები, რომ ან ,,მაპს“ მივიღებთ, ან ნატოში მიგვიღებენ – ეგეთი მოლოდინები არ უნდა გავაჩინოთ ტყუილად.
მინიმუმ თუ დაფიქსირდება ის, რომ ნატოს კარი არის ჩვენთვის ღია, კიდევ ერთხელ დადასტურდება, რომ საქარველო გახდება ნატოს წევრი, რაც იყო ბუდაპეშტის სამიტზე დაფიქსირებული – ეგეც უკვე იქნება კარგი.
ამ უკანასკნელი წლების განმავლობაში, საქართველოს ხელისუფლებას არ უმუშავია პრაქტიკულად იმაზე, რომ ჩვენ მართლა გავმხდარიყავით NATO-ს წევრი.
გასაგებია, რომ ნატოსგან აღებულ ვალდებულებას ყოველწლიურად ვასრულებთ, მაგრამ კარებს არ ვანჯღრევთ, არ ვანგრევთ – შემოგვიშვითო“, – განაცხადა ზურაბ ჯაფარიძემ.
ავტორი
ნინი ხიჯაკაძე
