ბოდბელი ეპისკოპოსი, მეუფე იაკობი ქვეყანაში მიმდინარე პოლიტიკური პროცესების ჟურნალისტებთან შეფასებისას აღნიშნავს, რომ ამ არჩევნებზე სიტუაციას გადახედავს, როგორ წარიმართება პროცესი და ამასთან აანონსებს ახალი ძალის შექმნას, რომელსაც თავად ჩაუდგება სათავეში. მისი თქმით, არც მხარდამჭრების მობილიზება არ გაუჭირდებათ და არც არჩევნებში გამარჯვება:
“ამ არჩევნებს შევხედავ, გავატარებ, შევხედავ რა ხდება და რა არა. იმის საშუალება აღარ ეგონოთ პარტიებს, რომ კიდე ქუჩაში დავსმათ და დაიწყონ რაღაც ყვირილი. მერე ჩავერთვებით ყველანაირი ფორმით. საქართველოს ასეთ არევას არავის ვაპატიებთ. მანამდე უკვე ეკლესიაში მოგვარებული გვექნება საქმე მათთან, ვინც ეკლესიას მტრობს.
მე ვთქვი, რომ ჩვენ ჩავუდგებით ახალ ძალას და მოფიქრებულიც გვაქვს, რაც უნდა გავაკეთოთ. არაფერი არ გაგვიჭრდება, არც მხარდაჭერა არჩევნებზე გამარჯვებისთვის.
ბოლოს რა პარტიებიც შემოვიდნენ არცერთ მათგანთან არ ვითანამშრომლებთ. ლევან ვასაძეს არ ვიცი რა აზრები აქვს.
გეუბნებით, ახალ ძალებს პირადად ჩავუდგები სათავეში.
გახარიასაც თავისი მომხრეები ეყოლება, ბატონ ლევანსაც თავისი და „ნაცმოძრაობასაც“ თავისი. გეუბნებით, მე არ მაქვს კავშირები ვასაძესთან. ვიცნობთ ერთმანეთს, ვხვდებით ეკლესიაში; ისევე, როგორც სხვა ბიზნესმენები, რაღაც-რაღაც პროექტებში მონაწილეობდნენ. სახელმწიფოს მომავლის ხედვაზე, აბსოლუტურად კარგი ხედვა გვაქვს, ვიცით რა უნდა შეიცვალოს, რა უნდა გაკეთდეს.
იმის შიში არ გქონდეთ, რომ რუსულ ძალას ან ანტიქართულ ძალას ხელში ჩავუგდებთ ქვეყანას. სხვებიც ცოტა გამოფხიზლდენენ, მარტო ის არ არის, რომ 500 ათასი კაცი მიჭერს მხარსო, რაში გიჭერს, რომ ანგრევ ქვეყანას? გარეთ რომ გამოდიხარ და არ შედიხარ? 90-იან წლებში კიდე კარვების ქალაქი მესმის და ახლა შეიძლება?! რას დავამსგავსეთ თბილისი?“, – განაცხადა მეუფე იაკობმა.
ავტორი
ნინი ხიჯაკაძე
