დღეს საქართველოს ყოფილმა პრემიერ-მინისტრმა, გიორგი გახარიამ პარტია დააფუძნა. დამფუძნებელი ყრილობა “ექსპო ჯორჯიაში” გაიმართა. პოლიტიკური გაერთიანების სახელწოდებაა “საქართველოსთვის”. თავმჯდომარედ არჩეულია გიორგი გახარია, რომელმაც პარტიის პოლიტსაბჭოს 14 წევრი წარუდგინა საზოგადოებას (და სავარაუდოდ თავმჯდომარე იქნება მე-15 წევრი). პოლიტსაბჭოს შემადგენლობაში შევიდნენ მე-10 მოწვევის პარლამენტის დეპუტატები და გიორგი გახარიას კაბინეტის ადმინისტრაციის ყოფილი უფროსი და ადმინისტრაციის ასევე ყოფილი თანამშრომლები:
გიორგი ხოჯევანიშვილი, ნათია მეზვრიშვილი, გიორგი შარაშიძე, კახაბერ ქემოკლიძე, ანა ბუჩუკური, მიხეილ დაუშვილი, ბექა ლილუაშვილი, რუსუდან თევზაძე, ალექსანდრე მოწერელია, ბერდია სიჭინავა, შალვა კერესელიძე, კოტე ანანიაშვილი, გიგა ფარულავა და გიორგი გოგუაძე.
გიორგი გახარიამ მის გუნდში მყოფი სხვა წევრებიც დაასახელა, რომლებიც აქტიურად იქნებიან პარტიის საქმიანობაში ჩართულები:
ლევან დოლიძე, გიორგი აბაშიშვილი, ეკატერინე ვეფხვაძე, დავით ფარცვანია, ლაშა მარკოზაშვილი, ტატა ხვედელიანი, გიორგი კიკნაველიძე და საბა ჯიქიძე.