,,ქართული ოცნება – დემოკრატიული საქართველოს“ თავმჯდომარე ირაკლი კობახიძე ,,ერთიანი ნაციონალური მოძრაობის“ მიერ პარლამენტში შესვლა/არშესვლის საკითხზე მსჯელობის შეფასებისას აღნიშნავს, რომ მათი არჩევანი არის ცუდსა და უარესს შორის:
,,რაც უნდათ ის გააკეთონ, ეს არის მათი გადაწყვეტილება. არანაირი პრინციპული განსხვავება არ იქნება შემოვლენ თუ არ შემოვლენ ისინი პარლამენტში.
“ნაციონალურ მოძრაობაში” მთელი ამ პერიოდის განმავლობაში ამბობდნენ, რომ არ შემოვიდოდნენ, თუმცა მაინც მოუწიათ პარლამენტში შემოსვლა. ბუნებრივია, ეს არის მათი მარცხის საბოლოოდ გაფორმება.
მათ არ აქვთ არჩევანი. არჩევანი აქვთ ცუდსა და უარესს შორის. ცუდი არის მათთვის შემოსვლა იმიტომ, რომ დამაზიანებელია – არათანმიმდევრულობასა და მათ მარცხს აჩვენებს. უარესი იქნებოდა მათთვის არ შემოსვლა და აქედან გამომდინარე, მოუწიათ ამ გადაწყვეტილების მიღება“, – განაცხადა ირაკლი კობახიძემ.
ავტორი
ნინი ხიჯაკაძე
