ამნისტიის კანონპროექტთან მიმართებაში ოპოზიციის შეფასებას ეხმიანება საქართველოს კულტურის, სპორტისა და ახალგაზრდობის მინისტრი, თეა წულუკიანი. მისი თქმით, პარლამენტში შესვლამდე ოპოზიციონერ ლიდერებს კარგად უნდა წაეკითხათ დოკუმენტი და ხელი ამის შემდეგ მოეწერათ:
,,ამნისტიის კანონპროექტთან დაკავშირებულმა საპარლამენტო პროცესმა, მე როგორც აღმასრულებელი ხელისუფლების წევრს, კიდევ ერთხელ დამანახა, რომ ჩვენ ოპოზიციაში გვყავს ძალიან ბევრი არასერიოზული ადამიანი, რომლებმაც, ასე ჩანს გარედან ყოველ შემთხვევაში, ჯერ ხელი მოაწერეს შარლ მიშელის დოკუმენტს და ალბათ წაკითხულიც არ ჯქონდათ ისე, შემდეგ პარლამენტში აღმოაჩინეს, რომ ეს ამნისტიის იდეა არ მოსწონთ.
ოპოზიციის პოსტ ფაქტუმ მცდელობები, რომ პოლიტიკური ქულები დაიწერონ, ოღონდ თავად არ იციან რაში, ალბათ არის თავიდანვე განწირული.
მეტი კვალიფიციურობა, მეტი სერიოზულობა, როცა უკვე ბავშვმაც კი იცის ხოლმე, ხელს რაღაცას რომ აწერ, წინასწარ უნდა წაიკითხო.
როგორც ჩანს მათ ამისთვის არ ეცალათ, როდესაც პოლიტიკურ აჟიოტაჟში იყვნენ“, – განაცხადა თეა წულუკიანმა.
ავტორი
ნინი ხიჯაკაძე
