საგანმანათლებლო დაწესებულებების მანდატურის სამსახურის უფროსი, გელა გელაძე სკოლებში სამინისტროს მიერ დადგენილი რეკომენდაციების აღსრულების პროცესს ადგილზე ეცნობა და ამ მიზნით თბილისის 51-ე, 47-ე და პირველი კლასიკური გიმნაზია მოინახულა:
“უსაფრთხო სასკოლო გარემოს მონიტორინგის მიზნით თბილისის რამდენიმე საჯარო სკოლაში ვიმყოფებოდი, ადგილზე გავეცანი ყველა იმ რეკომენდაციის აღსრულების პროცესს, რომელიც სამინისტროს მიერ არის გაცემული, რაშიც ადმინისტრაციასთან ერთად, მანდატურებიც არიან ჩართულნი.
მინდა, ხაზგასმით აღვნიშნო, უაღრესად მნიშვნელოვანია ამ რეკომენდაციების დაცვა, რათა სასწავლო პროცესი ჩვეულ რეჟიმში მიმდინარეობდეს“, – აცხადებს გელა გელაძე.
