ქვემო ქართლის პოლიციის დეპარტამენტის უფროსი, ლაშა გოგნიაშვილი განცხადებას აკეთებს დმანისში განვითარებულ მოვლენებთან დაკავშირებით. მისი თქმით პოლიციამ მაქსიმუმი გააკეთა რათა საზოგადოებრივი მშვიდობა შენარჩუნებულიყო:
“შინაგან საქმეთა სამინისტრო, თითოეული დანაყოფის თანამშრომელი, მაქსიმალურად ვცდილობდით და ვაკეთებდით ყველაფერს, რათა შეხლა შემოხლა არ მომხდარიყო, ჩვენ მაქსიმალურად განვაიარაღეთ ყველა და ყველაფერი გავაკეთეთ, რომ საზოგადოებრივი მშვიდობა შეგვენარჩუნებინა.
განსაკუთრებულ დავალებათა დეპარტამენტის ძალიან ბევრი თანამშრომელია ადგილზე გუშინაც იყვნენ, დღესაც არიან და კიდევ ემატება ძალები.
ვითარება განმუხტულია დამშვიდდით, დაწყნარდით“, – განაცხადა ლაშა გოგნიაშვილმა.
შეგახსენებთ, რომ 16 მაისს ერთმანეთს ადგილობრივი მაცხოვრებლები დაუპირისპირდნენ, რაც შემდეგ ჯგუფურ ძალადობაში გადაიზარდა. დღეს, 17 მაისს, გაჩნდა საშიშროება, რომ დაპირისპირება განახლებულიყო.
ავტორი
სალომე მჭედლიძე
