,,ქართული ოცნების” თავმჯდომარის ირაკლი კობახიძის განცხადებას ეხმაურება ,, ნაციონალური მოძრაობის” თავმჯდომარე ნიკა მელია და აღნიშნავს, რომ მათ აქვთ უკვე მოპოვებული მორალური და პოლიტიკური უპირატოსაბა საზოგადოებაში. ამიტომ პარლამენტში შესვლა/არ შესვლა არ არის გადამწყვეტი ფაქტორი:
,,დაგველოდოს ბატონი ირაკლი! ვიქნებით თუ არა პარლამეტში, ვინმეს თუ არაფერი არ უნდა უხაროდეს ბატონი კობახიძეა ხომ? იმიტომ, რომ მორალური, პოლიტიკური და ბევრი სხვა უპირატესობაც უკვე მოპოვებული გვაქვს იმ ძალაზე, რომელსაც მიტაცებული აქვს მართვის სადავეები.
მესმის მათი მღელვარებისა, მათი დარდისა. მათ უბრალოდ აღარ შერჩათ რესურსი, თუნდაც ღირსეული, დამაჯერებელი, ხვალინდელ დღეზე ორიენტირებული განცხადება გააკეთონ. 24 საათი საუბრობენ ან ჩემზე, რა ცუდი ვარ და რა კრიმინალი ვარ, ან რა საზიზღრები ვართ ოპოზიციაში.
არც ერთი სიტყვა, ასო-ბგერა საზოგადოებაზე, კრიზის დაძლევაზე – პირიქით საუბრობენ, რომ ხელოვნური კრიზისი დასრულდა.
რა არის ,,ქართული ოცნების” დღის წესრიგში ეს არ არის მნიშვნელოვანი. რა არის ოპოზიციის დღის წესრიგში ეს არის მნიშვნელოვანი.
არ მინდა უპატივცემულობა დავაფიქსირო ძალიან ბევრი ადამიანის მიმართო ამ უზარმაზარ პარტიაში და არ მინდა რამდენიმე რეგიონში ჩაუსვლელად მივიღო ეს გადაწყვეტილება.
მინდა, რომ საზოგადოების რაც შეიძლება ფართო ნაწილთან მქონდეს კომუნიკაციის შესაძლებლობა. ამის შემდეგ გამოცხადდება საბოლოო გადაწყვეტილება, რომელიც იქნება პრაგმატული და რაციონალური”, – განაცხადა ნიკა მელიამ.
ავტორი
ნინი ხიჯაკაძე
