“ერთიანი ნაციონალური მოძრაობის” თავმჯდომარის, ნიკა მელიას საპატიმროდან გამოსვლის შემდეგ დაიწყო მსჯელობა იმასთან დაკავშირებით, მოაწერს ხელს თუ არა პარტია შარლ მიშელის დოკუმენტს და რა გადაწყვეტილება იქნება მიღებული პარლამენტში შესვლასთან დაკავშირებით. აღნიშნულ საკითხთან მიმართებაში განმარტებებს აკეთებს პარტიის ერთ-ერთი ლიდერი თინა ბოკუჩავა, რომელსაც მიაჩნია, რომ ყველა პლატფორმა არის გამოსაყენებელი რეჟიმთან ბრძოლაში:
“პირადი პოზიცია არის ის, რომ ჩვენ ყველა პლატფორმა უნდა გამოვიყენოთ რეჟიმთან ბრძოლაში, მათ შორის, საპარლამენტო პლატფორმა.
მე ვფიქრობ, რომ ქუჩა არ გამორიცხავს საპარლამენტო მუშაობას და საპარლამენტო მუშაობა – ქუჩას.
ყველა პლატფორმა არის გამოსაყენებელი მთავარი და ყველაზე მძლავრი ოპოზიციური პარტიისთვის,” – განაცხადა თინა ბოკუჩავამ.
