“ევროპული საქართველოს” თავმჯდომარე შარლ მიშელის დოკუმენტზე ხელმოწერასთან დაკავშირებით თავის პოზიციას აფიქსირებს და აცხადებს, რომ მასზე ხელმოწერას პარტია არ აპირებს. გიგა ბოკერია ვერც პარლამენტში შესვლის მიზანშეწონილობას ხედავს და არალეგიტიმურად მიაჩნია იგი:
“შეთანხმებას რომ არ შევუერთდით, ეს უკვე შემდგარი ფაქტია და პოსტ ფაქტუმ შეერთება არასერიოზულია.
რაც შეეხება პარლამენტში მოღვაწეობას, იმ ფონზე, თუკი საერთო ჯამში ბოიკოტი არ შედგა, ჩემი პირადი პოზიციაა, რომ მე, ქვეყნის ინტერესებიდან გამომდინარე, ამ არალეგიტიურ პარლამენტში ჩვენი მონაწილეობის საჭიროებას ვერ ვხედავ.
მიუხედავად ამისა, პარტიაში ცალკე გვექნება ამაში მსჯელობა. ჩვენ ყოვეთვის პოლიტსაბჭოს ფორმატში და ინსტიტუციალურად ვიღებთ ასეთ გადაწყვეტილებებს“, – აღნიშნავს გიგა ბოკერია.
