“ივანიშვილის დასამარცხებლად ოპოზიციის კოორდინაცია მნიშვნელოვანია – მიუხედავად იმისა, რამდენად დაპირისპირებულები არიან ეს ძალები ერთმანეთთან” – თამარ ჩერგოლეიშვილი

2057

თბილისის მერობის კანდიდატის შერჩევა/მხარდაჭერის თემას ეხმიანება ინტერნეტგამოცემა “ტაბულას” დამფუძნებელი თამარ ჩერგოლეიშვილი და აღნიშნავს, რომ რადგანაც წინასწარ უცნობია “ქართული ოცნების” გეგმები, ამ ეტაპზე, საკითხთან დაკავშირებით მსჯელობისგან თავის შეკავება სჯობს:

მე ვერ ვხვდები, ახლა მერობის კანდიდატებზე რატომ უნდა ატეხო დავიდარაბა.
ვინ იცის, აქედან ორ თვეში რა ვითარება იქნება?

ან მხოლოდ მელიაზე რატომ საუბრობთ? სხვა ქალაქებში არჩევნები არ ტარდება?
თუ ხელმომწერი პარტიები თავს ისევ ბიძინას ოპოზიციად განიხილავენ, უნდა ხვდებოდნენ (თუნდაც ბოლო მოვლენებზე უნდა ესწავლათ), რომ ივანიშვილის დასამარცხებლად ოპოზიციის კოორდინაცია მნიშვნელოვანია – მიუხედავად იმისა, რამდენად დაპირისპირებულები არიან ეს ძალები ერთმანეთთან.

რა პირობებზე მოხდება კოორდინაცია, ამას კონკრეტული გარემოებები გადაწყვეტს და წინასწარ ჩხუბი რა საჭიროა?

თუ უკვე კანდიდატს არ აყენებთ, წინასწარ კრამიტებს რად ლეწავთ? ეგებ თქვენივე პოტენციურ კანდიდატს გამოადგეს?

რა იცით, ოცნება რა სტრატეგიით წავა, ვინ დადგება, კალაძე რას იზამს? წინასწარ როგორ უნდა განსაზღვრო რა ჯობია ბიძინას დასამარცხებლად, როცა ისიც არ იცი რომელი და რამდენი კანდიდატით შემოდის? წინასწარ თავი ჩხუბით რატომ უნდა დაისუსტო, თუ არ იცი რაზე ჩხუბობ?” – წერს ფეისბუქის პირად გვერდზე თამარ ჩერგოლეიშვილი.

კომენტარები