დღეს გაიმართა ნიკა მელიას მორიგი სასამართლო პროცესი. ,,სტრატეგია აღმაშენებლის“ პოლიტიკური საბჭოს წევრმა სერგო ჩიხლაძემ გონივრულ სვლად სასამართლოსა და ხელისუფლების მხრიდან, ,,ნაციონალური მოძრაობის“ თავმჯდომარის საპატიმროდან გამოშვება მიიჩნია, თუმცა ამის იმედი არ აქვს:
,,ყველაზე გონივრულად გადადგმული ნაბიჯი მოსამართლის და ,,ქართული ოცნების“ მხრიდან იქნებოდა, რომ ნიკა მელია გამოუშვან საპატიმროდან. ეს იქნებოდა მათივე იმიჯისთვის მნიშვნელოვანი გადაწყვეტილება.
სამწუხაროდ, მე არ მაქვს ,,ქართული ოცნების“ გონიერების იმედი და ილუზია, რომ დღეს გაუშვებენ, თუმცა ეს იქნებოდა ყველაზე გამართლებული და სწორი სვლა“, – აღნიშნა სერგო ჩიხლაძემ.
სერგო ჩიხლაძემ ამნისტიის კანონთან დაკავშირებითაც ისაუბრა და აღნიშნა, რომ ოპოზიციის მიერ მომზადებული ალტერნატიული კანონპროექტი მნიშველოვან საკითხებს ითვალისწინებს და მიზანია, რომ ზუსტად ეგ იქცეს კანონად:
“გუშინ ოპოზიციამ 5 საათზე შევიტანეთ ჩვენი ვერსია ამნისტიის კანონპროექტის და რა თქმა უნდა, შევეცდებით, ყველაზე მეტი მხარდაჭერა მიიღოს ამ ვერსიამ.
რაც მნიშვნელოვანია, კიდევ ერთხელ მინდა განვუმარტო ჩვენს თანამოქალაქეებს, არც ერთ ვერსიაში არ არის პუნქტი, რომელიც შეიწყალებს თვალის დამთხრელებს, წამებაში ეჭვმიტანილებს იმიტომ, რომ ეს მუხლები გადაზღვეულია საერთაშორისო კონვენციებით.
ჩვენსა და ხელისუფლების კანონპროექტს შორის არის განსხვავებები. მაგ, დაზარალებულის თანხმობასთან და პოლიტიკური თანამდებობის მქონე პირეთან დაკავშირებით.
ჩვენ ყველაფერს გავაკეთებთ, რომ ეს მუხლები ასახული იყოს ამ კანონში“, – განაცხადა სერგო ჩიხლაძემ.
ავტორი
ნინი ხიჯაკაძე
