“ერთიანი ნაციონალური მოძრაობის” პოლიტიკური საბჭოს წევრი, ზაალ უდუმაშვილი ჟურნალისტებთან კომენტარში განმარტავს თუ რა განზრახვები აქვს “ქართულ ოცნებას” და რის მიღწევას ცდილობენ ისინი, მისი თქმით სრული ბოიკოტი უნდა გამოცხადდეს იმ შემთხვევაში, თუ მმართველი პარტია გადაწყვეტს კანონპროექტის საკუთარი ვერსიის გატანას:
“ძალიან დიდი რისკი და საშიშროება არსებობს იმისა, რომ გარდა დაზარალებულებისა, ამ კანონში მოხვდნენ ის ადამიანები, რომლებიც ბრძანებებს გასცემენ და ძალადობენ ჩვენს თანამოქალაქეებზე. მომავალში თუ ვინმეს დანაშაული გამოიკვეთება, ისიც კი მოხვდეს ამინისტიაში.
ეს არის სწორედ ის, რის მიღწევასაც “ქართული ოცნება” ცდილობს, რომ ერთდროულად ორი კურდღელი დაიჭიროს, პირველი – რომ გაიტანოს ამინისტიის თავისი პროექტი და სრულად გაანთავისუფლოს პასუხისმგებლობისგან როგორც სამართალდამცველები, ასევე მაღალი პოლიტიკური პირები და მეორე, რომ მაქსიმალურად დისკრედიტირებული გამოიყვანოს ამ პროცესიდან ოპოზიცია.
როგორც ვუყურებ გარედან ამ ყველაფერს, სრული ბოიკოტი უნდა გამოცხადდეს იმ შემთხვევაში, თუ “ქართული ოცნება” გადაწყვეტს კანონპროექტის საკუთარი ვერსიის გატანას“, – განაცხადა ზაალ უდუმაშვილმა.
ავტორი
სალომე მჭედლიძე
