შეთანხმების დოკუმენტის ერთ-ერთი კომპონენტის შესრულებას გიორგი რურუას საპატიმროდან გამოშვება მოჰყვა. საქართველოს პრეზიდენტმა შეწყალების აქტს ხელი მოაწერა. საპატიმროსთან ყოფილ მსჯავრდებულს “მთავარი არხის” გენერალური დირექტორი, ნიკა გვარამია ელოდებოდა, რომელმაც განცხადება გააკეთა აღნიშნულ ფაქტთაბ დაკავშირებით:
„პირველ რიგში უნდა ვთქვა, რომ ეს ერთი და სხვა მრავალი. ეს ქვეყანა დახუნძლულია პოლიტიკური პატიმრებით, პოლიტიკური დევნილებით.
პირველ რიგში უნდა ვთქვა, რომ მუდმივად ამ პერიოდის განმავლობაში არ მტოვებდა იმის განცდა, გიორგი იმის გამოც იყო ციხეში, რომ ის ჩვენ მიერ დაფუძნებული არხის ერთერთი თანადამფუძნებელი იყო. ამიტომ ეს ძალიან დიდი სიმძიმე ჩვენ ყველას მოგვეხსნა. რაც მთავარია მოგვეხსნა ამ ძალიან დიდი სიხარულის ფორმით, რასაც მისი შეწყალება ერქვა.
და რითიც დავიწყე, იმით დავასრულებ – ვულოცავ გიორგის და ძალიან მალე მიმელოცოს ყველა იმ ადამიანისთვის, ვისითაც სავსეა საქართველოს ციხეები. პირველ რიგში და უმთავრესად ნიკა მელიას ვგულისხმობ და კიდევ მათ, ვინც ამ ქვეყანაში ვერ ჩამოდის, იმიტომ რომ ელოდება პატიმრობა”, – განაცხადა ნიკა გვარამიამ.
