ტელეკომპანია “ფორმულას” ჟურნალისტი ვახო სანაია რეჟისორ გოგა ხაინდრავას მხრიდას მის წინააღმდეგ დაფიქსირებულ პოზიციას, მუქარას ეხმიანება და აცხადებს, რომ ეს პირდაპირ ხელისუფლებიდან მოდის:
,,თუკი ვინმეს ეჭვი კიდევ ეპარებოდა იმაში, რასთან გვაქვს საქმე, ჩვენ შემთხვევით არ ვლაპარაკობთ, რომ ეს ყველაფერი მოდის ხელისუფლებიდან.
მთელი ეს კამპანია და პროპაგანდა, აგრესიის ქადაგება და ამის დადასტურებაა ის, რაც თქვა გოგა ხაინდრავამ.
ერთი შეხედვით საერთოდ ვინ ეკითხება?! მაგრამ გოგა ხაინდრავა, “უცნობი” – ეს ერთი ჯგუფია, გაგრძელებაა – ხელისუფლების წახნაგები, თავ-თავისი ფუნქციით.
მაგრამ გოგა ხაინდრავას საკითხი კიდევ ცალკეა. იმიტომ, რომ ის ბიძინა ივანიშვილს უზის მაგიდაზე და მის ძალიან ვიწრო-ახლო გარემოცვას წარმოადგენს, ამიტომ ეს ცალკე ამბავია კიდევ.
პირდაპირ განცხადებული მუქარაა ხაინდრავას შემთხვევაში, რაზეც არ ვიცი ვინმეს ექნება თუ არა რეაგირება ხელისუფლებიდან, უკვე ნაკლებადაც მაინტერესებს ეს ამბავი იმიტომ, რომ ეს პირდაპირ ხელისუფლებიდან მოდის“, – განაცხადა ვახო სანაიამ.
ავტორი
ნინი ხიჯაკაძე
