„სტრატეგია აღმაშენებლის“ თავმჯდომარე ამნისტიის კანონპროექტთან დაკავშირებულ საკითხებს ეხმიანება. როგორც გიორგი ვაშაძე აცხადებს, კანონპროექტთან დაკავშირებით პასუხისმგებლობას იღებენ ის პოლიტიკური ძალები, ვინც შარლ მიშელის დოკუმენტს ხელი მოაწერეს და მიუღებელია პასუხისმგებლობის გადატანა ნიკა მელიაზე:
„კატეგორიულად ვემიჯნები და ვგმობ ყველანაირ მცდელობას ნიკა მელიაზე გადაიტანონ პასუხისმგებლობა ამნისტიის კანონთან დაკავშირებით. ამნისტიის კანონის მიღებაზე პასუხს ვაგებთ ის პოლიტიკური ძალები ვინც ხელი მოვაწერეთ შარლ მიშელის დოკუმენტს.
მე ვაპირებ შევასრულო ჩემი ვალდებულება და ნიკა მელია განთავისუფლდეს ამნისტიის კანონით. გარდა ამისა, ამნისტიის კანონის მიღებამდე ვაკეთებთ ყველაფერს იმისთვის, რომ შევძლოთ მისი უფრო ადრე განთავისუფლება ვიდრე ამნისთიის კანონი იქნება მიღებული მაგრამ მოგეხსენებათ მხოლოდ ჩვენზე არ არის დამოკიდებული და „ქართული ოცნებაზეცაა“ დამოკიდებული ეს ნაბიჯი.
გარდა ამისა, რომ დასრულდეს არასწორი ინტერპრეტაციები, გირაო არ არის ალტერნატივა ამნისტიის კანონის. ჩვენი დასავლელი პარტნიორების პირდაპირი გზავნილი იყო, მელიას საქმე და არა მარტო მისი საქმე, პროტესტში მონაწილე სხვა პიროვნებების საქმეებიც უნდა დასრულდეს ერთხელ და სამუდამოდ და ამის ერთადერთი გზა არის ამნისტიის კანონი, რადგან გირაოს გადახდა ევროკავშირს რომც გადაეხადა ეს ნიშნავდა, რომ მელია გამოვიდოდა საპატიმრო დაწესებულებიდან მაგრამ შემდეგ ისევ შეებრუნებინა უკან „ქართულ ოცნებას“ და მგონი ეჭვი არავის ეპარება, რომ ამ ქვეყანაში მართლმსაჯულება მიკერძოებულია, პოლიტიკურად მოტივირებულ გადაწყვეტილებას იღებენ და უპრობლემოდ ჩასვამდნენ ციხეში ნიკა მელიას განმეორებით,“ – აცხადებს გიორგი ვაშაძე.
