“იმედია გაზაფხულის შემდეგ ზაფხულის პერიოდი დადებითად იმოქმედებს ლარის კურსზე და მაქსიმალურად დაასტაბილურებს მის რყევას” – ალექსანდრე ძნელაძე

საქართველოს საბანკო ასოციაციის პრეზიდენტი, ალექსანდრე ძნელაძე კომენტარს აკეთებს ლარის კურსის რყევასთან მიმართებაში. მისი აზრით გარდა პანდემიიდან გამოწვეული პრობლემებისა, რეგიონში არსებული პრობლემებიც ირიბად თუ პირდაპირ ზემოქმედებდნენ ლარის კურსზე:

“უპირველეს ყოვლისა უნდა ვთქვათ, რომ აღნიშნული რყევა, არის მოკლევადიანი, რეალურად გაზაფხულის შემდეგ ზაფხულის პერიოდი დადებითად იმოქმედებს ლარის კურსზე და მაქსიმალურად დაასტაბილურებს მის რყევას.

სამწუხაროდ, ძნელია აღნიშნულთან დაკავშირებით ნებისმიერი პროგნოზის გაკეთება, იმ თვალსაზრისით, რომ გარდა პანდემიისა, რეგიონში არსებული პრობლემებიც ირიბად თუ პირდაპირ ზემოქმედებდნენ ლარის კურსზე.

ეროვნული ბანკის უკანასკნელი განცხადებებიდან და მოქმედებებიდან გამომდინარე ცალსახაა, რომ ეროვნული ბანკი მაქსიმალურად შეუწყობს ხელს, რომ რყევა მინიმალური იყოს“, – განაცხადა ალექსანდრე ძნელაძემ.

ავტორი
სალომე მჭედლიძე