“ლეიბორისტული პარტიის” ლიდერი შალვა ნათელაშვილი შეთანხმების დოკუმენტზე ხელმოწერის ფაქტს ნეგატიურად აფასებს და საქართველოში აშშ-ის ელჩის ფასილიტატორობის გამო მიაჩნია, რომ საქართველოს სტრატეგიული პარტნიორები არ ჰყავს:
,,განხორციელდა სპეცოპერაცია რუსი ოლიგარქის ბიძინა ივანიშვილის გადასარჩენად, რომელსაც ხელმძღვანელობდა ტრამპის მიერ დანიშნული, ამერიკის შეერთებული შტატების ელჩი საქართველოში ქალბატონი კელი დეგნანი.
შეთანხმების დოკუმენტზე ხელმოწერის დღემ კიდე ერთხელ დამარწმუნა, რომ საქართველოს არ ჰყავს არანაირი სტრატეგიული პარტნიორი, მეგობარი და მოკავშირე. საქართველოს ხელისუფლებას ჰყავს მფარველებიც, მოკავშირეებიც ზურგის გამმაგრებლებიც. ჩვენ ერთმანეთი გვყავს მოკავშირეებად და ან გავიტანთ ერთმანეთს, ან საქართველო ჩაქრება პოლიტიკური რუკიდან და ამ ცოდვას ჩვენ იმ ქვეყნად წავიღებთ.
მე გულისტკივილს გამოვხატავ ჩემი ძვირფასი კოლეგების გამო, რომლებმაც ამ ხელმოწერის შედეგად დაამთავრეს პოლიტიკა“, – აცხადებს შალვა ნათელაშვილი.
