ლაშა ტალახაძე, შთამბეჭდავი გამარჯვებისა და მსოფლიო რეკორდის დამყარების შემდეგ, სამშობლოში დაბრუნდა. აეროპორტში, ჟურნალისტებთან კომენტარში აღნიშნა, რომ საქართველოს ჰიმნის გაჟღერებამ მას განსაკუთრებული სტიმული შესძინა:
“ორმაგად სასიხარულოა, როდესაც წილად მხვდა პატივი, რუსეთში ამეჟღერებინა საქართველოს ჰიმნი. ეს ძალიან დიდი სიხარული იყო ჩემთვისაც და ყველა ჩვენი გულშემატკივრისთვის. ძალიან დიდი სტიმული შემმატა ამ ყველაფერმა, გამაძლიერა და მომცა სტიმული, რომ მეც რა თქმა უნდა კარგად დამემთავრებინა ეროვნული ჩემპიონატი“, – განაცხადა ლაშა ტალახაძემ.
შეგახსენებთ, რომ ძალოსნობაში ევროპის 2021 წლის ჩემპიონატი მოსკოვში 11 აპრილს გაიმართა, სადაც საქართველოს ძალოსანთა ნაკრებმა 8 ოქროს 4 ვერცხლისა და 1 ბრინჯაოს მედალი მოიპოვა. მედლების რაოდენობით ქართველი ძალოსნები ლიდერ პოზიციაზე გავიდნენ, ხოლო ლაშა ტალახაძე ჩემპიონატის უძლიერეს ძალოსნად დასახელდა.
ავტორი
სალომე მჭედლიძე
