3 ოქროს მედალი, მსოფლიოსა და ევროპის რეკორდები, ლაშა ტალახაძემ შთამბეჭდავი გამარჯვება. მოსკოვში მიმდინარე ევროპის ჩემპიონატზე ქართველმა ძალოსანმა ჯამში 3 ოქროს მედალი მოიპოვა – ატაცში, აკვრასა და ორჭიდში:
საქართველოს ძალოსნობის ეროვნულმა ფედერაციამ შესაბამისი ინფორმაცია ფეისბუქის ოფიციალურ გვერდზე გაავრცელა:
“ქართველმა ძალოსანმა ატაცში 211/217/222 დაძლია და ევროპულ ოქროსთან ერთად მსოფლიოსა და და ევროპის რეკორდები, რომელიც მასვე ეკუთვნოდა 2 კილოგრამით გააუმჯობესა!
ტალახაძე საუკეთესო იყო აკვრაშიც და დაძლეული 245/253/263 კილოგრამით კვლავ ოქროს მედალი მოიპოვა. რაც შეეხება ორჭიდს – ძალოსანმა დაგროვილი 485 კილოგრამით ევროპის ჩემპიონატს ლოგიკური წერტილი დაუსვა და მოსკოვის კონტინენტის პირველობა საქართველოს ჰიმნით დაიხურა,” – აღნიშნულია განცხადებაში.
ავტორი
ანა თეზელაშვილი
