დაავადებათა კონტროლის ეროვნულ ცენტრში ვაქცინაციის პროცესთან დაკავშირებით დღეს ბრიფინგი გაიმართა. ჯანდაცვის მინისტრმა, ეკატერინე ტიკარაძემ SINOPHARM-ის ვაქცინის საქართველოში შემოტანაზე ისაუბრა. მინისტრის თქმით, ვაქცინა სანდოა და მას შემდეგ, რაც მსოფლიო ჯანდაცვის ორგანიზაციიდან ავტორიზაციას გაივლის, საქართველო მის გამოყენებას დაიწყებს.
,,უკვე 40 მილიონზე მეტი ადამიანი არის აცრილი სინოფარმის ვაქცინით. შესაბამისად, მის სანდოობაზე კითხვები არ ისმის. მსოფლიო ჯანდაცვის ორგანიზაციიდან ის ელოდება ავტორიზაციას. ამასთან დაკავშირებით, ჩვენ გვაქვს ინტენსიური მიმოწერა მსოფლიო ჯანდაცვის ორგანიზაციასთან, რის შედეგადაც, საბჭოსთან მსჯელობის შემდეგ, მივიღებთ გადაწყვეტილებას, თუ როდის იქნება ჩინური ვაქცინით ვაქცინაცია შესაძლებელი’’, – განაცხადა ეკატერინე ტიკარაძემ.
ინფორმაციისთვის: ,,სინოფარმის’’ ვაქცინის 100 000 დოზა საქართველოში 3 აპრილის შემოვიდა.
ავტორი
ნინო დავითაძე
