თბილისის მერმა, კახა კალაძემ დღეს კლინიკა დატოვა. დედაქალაქის მერი საკუთარი ჯანმრთელობის მდგომარეობის შესახებ მცირე პოსტს სოციალურ ქსელში აქვეყნებს. მისი თქმით, ის თავს უკეთესად გრძნობს, თუმცა გარკვეული დროის განმავლობაში მკურნალობას სახლში გააგრძელებს:
,,პირველ რიგში, მადლობით მინდა დავიწყო. მადლობა ყველა იმ ადამიანს, ვინც მგულშემატკივრობდა. მადლობას ვუხდი ექიმებს, ექთნებს, ვინც ჩართული იყო ჩემს გამოჯანმრთელობაში.
აქვე მინდა დავასახელო რამდენიმე ექიმი – ბატონი ზურაბ ფაღავა, მამუკა ბოკუჩავა, ეკატერინე ხარხელი, ძალიან დიდი მადლობა მათ.
ჯანმრთელობის მდგომარეობას რაც შეეხება, თავს უკეთესად ვგრძნობ, თუმცა გარკვეული დღეების განმავლობაში, სახლში უნდა გავაგრძელო მკურნალობა,” – წერს კახა კალაძე.
შეგახსენებთ, დედაქალაქის მერმა 26 მარტს ,,ფეისბუქის’’ პირად გვერდზე დაწერა, რომ დაუდგინდა ვესტიბულოპათია, რის გამოც თბილისის ერთ-ერთ კლინიკაში გამოკვლევებზე იმყოფებოდა.
ავტორი
ნინო დავითაძე
