“მაინტერესებს, ვინ გასცა საშვები პოზნერის და ამალისთვის, როცა საქართველოს მოქალაქეებს აჯარიმებენ პატარა დარღვევაზეც კი” – ინგა გრიგოლია

ტელეკომპანია “პირველის” ჟურნალისტი, ინგა გრიგოლია ეხმიანება ე.წ. “კომენდატის საათის” რეჟიმის დარღვევით ერთ-ერთ რესტორანში რუსი ჟურნალისტის ვლადიმერ პოზნერისა და მის მიერ საქართველოში დაბადების დღის აღსანიშნავად დაპატიჟებული სტუმრების დროსტარებას, რასთან დაკავშირებითაც მწვავე უკმაყოფილებას გამოხატავს ფაქტთან მიმართებაში ორმაგი სტანდარტის გამო:

“ნერვები მეშლება, ნახევარი საუკუნის რომ გავხდი, დაბადების დღე ვერ გადავიხადე, ქვეყანაში არსებული რეგულაციების და კომენდანტის საათის გამო და მე დღეს მაინტერესებს, ვინ გასცა საშვები პოზნერის და ამალისთვის, როცა საქართველოს მოქალაქეებს აჯარიმებენ პატარა დარღვევაზეც კი“, – წერს ინგა გრიგოლია ფეისბუქის პირად გვერდზე.