“ჩვენ კლინიკაში ჩატარებული კლინიკოლაბორატორიული კვლევებით, არცერთ კვლევაში, ანემია არ დასტურდება” – ლევან რატიანი

106

პირველი საუნივერსიტეტო კლინიკის დირექტორი ლევან რატიანი საზოგადოებას გარდაცვლილ, 27 წლის ახალციხელ ექთან, მეგი ბაქრაძესთან დაკავშირებით, დეტალურ ინფორმაციას აწვდის და ხაზგასმით აღნიშნავს, რომ კორონავირუსთან დაკავშირებით ჩატარებული ტესტი იყო უარყოფითი:

ქალბატონი მეგი შემოყვანილ იქნა კატასტროფის ბრიგადის მიერ 19:45 წუთზე. ჩვენ კლინიკაში შემოყვანისას, ის იმყოფებოდა ფილტვის ხელოვნურ ვენტილაციაზე, თერმოდინამიკა იყო მკვეთრად არასტაბილური, წნევის ამწევი პრეპარატების გარეშე, მარტივი  სიტყვებით რომ ვთქვათ, ვერ ინარჩუნებდა თერმოდინამიკას. ასევე მინდა გითხრათ, რომ გასინჯული იყო შემოყვანისთანავე, რამდენიმე წუთში, ჩემ და ქალბატონ ქეთის მიერ. დაფიქსირდა, რომ პაციენტთან იყო ჰემოდინამიკის მკვეთრი მოშლა. ეს არ ნიშნავს იმას, რომ ის იყო გარდაცვლილი, ვინაიდან სიკვდილი დგება, როდესაც გული ჩერდება. ჩვენ კლინიკაში შემოყვანისას პაციენტთან იყო გულისცემა, იყო არტერიული წნევიან შენარჩუნებული მეგადოზებით, ხაზს ვუსვამ, პრეპარატებით, რომლებიც იძლევიან წნევის აწევას.

რაც შეეხება მდგომარეობას, შემოსვლისას იყო კრიტიკული, შეუქცევადი. ეს სამწუხაროდ იყო გამოწვეული ე. წ. “პოსტრეანიმაციული დაავადებით”, ” მყარი ვაზოპლეგიით” და ამ შეუქცევადმა პროცესმა, რამოდენიმე საათში, გამოიწვია საბოლოოდ გულის გაჩერება და დაფიქსირება ბიოლოგიური სიკვდილის.

ჩვენ კლინიკაში ჩატარებული კლინიკოლაბორატორიული კვლევებით, არცერთ კვლევაში, ანემია არ დასტურდება.

მას ჩაუტარდა პისიარ ტესტი, “ჯინ ექსპერტი” კორონავირუსთან დაკავშირებით. კიდევ ერთხელ განვმარტავ, ტესტი ჩატარებული კვლევით იყო ნეგატიური,” – აცხადებს ლევან რატიანი.

ავტორი
სალომე მჭედლიძე

კომენტარები