“ხელისუფლება დაინტერესებულია არა პოლიტიკური კრიზისის მოლაპარაკების გზით დასრულებით, არამედ მოლაპარაკების იმიტაციით” – პაატა მანჯგალაძე

ქვეყანაში მიმდინარე პოლიტიკურ მოვლენებს ეხმიანება “სტრატეგია აღმაშენებლის” გენერალური მდივანი. პაატა მანჯგალაძის თქმით მოლაპარაკებების პროცესმა კარგად აჩვენა, რომ ხელისუფლება დაინტერესებულია არა პოლიტიკური კრიზისის, მოლაპარაკების გზით, დასრულებით, არამედ მოლაპარაკების იმიტაციით:

“ხელისუფლებასა და ოპოზიციას შორის განვლილმა მოლაპარაკებების პროცესმა კარგად აჩვენა, რომ ხელისუფლება დაინტერესებულია არა პოლიტიკური კრიზისის მოლაპარაკების გზით დასრულებით, არამედ მოლაპარაკების იმიტაციით, რომლის მიზანია ძალაუფლების არსებული სტატუს-ქვოს შენარჩუნება, სადაც ნაციონალური მოძრაობა მთავარ საფრთხობელად გვევლინება.

სწორედ „ქართული ოცნების“ ამ რიტორიკას და არსებულ სტატუს-ქვოს უპირისპირდება გიორგი ვაშაძის მიერ გაჟღერებული მესამე ცენტრის იდეა, რომელიც უნდა გახდეს „ქართული ოცნებისგან“ და „ნაციონალური მოძრაობისგან“ სრულიად განსხვავებული შინაარსის მატარებელი ახალი, მძლავრი პოლიტიკური ცენტრი, ორიენტირებული არა ნეგატივზე, არამედ პოზიტივზე, აღმშენებლობაზე და ისეთ ფუნდამენტურ საკითხებში ეროვნულ თანხმობაზე, როგორიცაა საქართველოს ევრო და ჩრდილო ატლანტიკური ინტეგრაცია და დეოკუპაცია,” – აცხადებს პაატა მანჯგალაძე.