პარლამენტის წევრმა, პარტია ,,მოქალაქეების” თავმჯდომარემ მოლაპარაკებების მორიგი რაუნდის შეფასებებისას აღნიშნა, რომ არასწორად მიაჩნია ოპოზიციის მხრიდან პლებისციტის და ვადამდელი არჩევნების მოთხოვნა, რადგან ოპოზიციას შეუძლია ,,ქართულ ოცნებას” მართლმსაჯულების რეფორმირების საკითხი გამოგლიჯონ:
,,უნდა ვთქვა, რაც არ უნდა დამაბრალონ, წინადადებები დადო მხოლოდ ,,ქართულმა ოცნებამ”. ოპოზიციის მხრიდან არაფერი წინადადება არ იყო.
იქ იყო საკითხი, საპარლამენტო კომიტეტების თავმჯდომარეების განაწილების, საარჩევნო რეფორმის საკითხი, რაც იქ ეწერა ჩვენს კანონპროექტში არის ასახული. უკვე, რაც არის ჩვენგან და ,,ქართული ოცნებისგან” ინიცირებული.
იქ იყო პოლიტიკური მართლმსაჯულების რეფორმირების საკითხი, რა თქმა უნდა, პოლიტპატიმრების საკითხიც. თუმცა, იყო სურვილი, რომ ეს ამ მოლაპარაკების მიღმა გასულიყო, მაგრამ რაღაც გადაწყვეტის გზამდე მივსულიყავით.
იქ იყო ,,ქართული ოცნების” მხრიდან შემოთავაზებული საკითხი იმასთან დაკავშირებით, რომ თუ თვითმმართველობის არჩევნებზე ,,ქართული ოცნება” აიღებდა 40%-ზე ნაკლებს, მაშინ 2022 წელს დაინიშნებოდა ვადამდელი არჩევნები.
ვადამდელი არჩევნების მოთხოვნა აღარ არის სერიოზული, განსაკუთრებით ეუთო/ოდირის დასკვნის შემდეგ.
გავუსწოროთ რეალობას თვალი და მაინც, რომ ამას ჯიუტად ითხოვ, თან როდესაც შეგიძლია გამოგლიჯო ,,ქართულ ოცნებას” მართლმსაჯულების რეფორმის საკითხი, შენ მაინც პლებისციტი და ვადამდელი დაგიჩემებია, ეს არის ჩვენთვის აუხსნელი“, – განაცხადა ალეკო ელისაშვილმა.
ავტორი
ნინი ხიჯაკაძე
