ტელეკომპანია “მთავარი არხის” გენერალური დირექტორი, ნიკა გვარამია, ტელეკომპანია “პირველის” ეთერში გასულ რეპორტაჟთან დაკავშირებით ყურადღებას ამახვილებს იმ ფაქტზე, რომ, როგორც აღნიშნავს, გადაცემაში ხსენებული ბავშვების მშობლების დუმილი საკუთარი და სხვისი შვილების ღალატია:
“იმ ბავშვების მშობლების თავში მინდა ჩავიხედო, ვის შვილებსაც მორალური ტერორი და საჯარო დამცირება მოუწყვეს, და ხმა არ ამოიღეს და ახლა ინტერვიუსაც რომ გაურბიან!
საკუთარ შვილებს ხო ღალატობთ საშვილიშვილოდ და სხვის შვილებსაც რომ წირავთ, როგორ უნდა იცხოვროთ მშვიდად?!” – წერს ნიკა გვარამია ფეისბუქის პირად გვერდზე.
ინფორმაციისთვის: როგორც ტვ “პირველის” რეპორტაჟიდან ხდება ცნობილი, ჩანაწერებში, სადაც საუბარია კონკრეტულ სადამსჯელო ღონისძიებებზე, დაშინებასა და შეურაცხყოფაზე, ფიგურირებენ ბერა ივანიშვილი, ირაკლი ღარიბაშვილი და ანზორ ჩუბინიძე.
