“ლეიბორისტული პარტიის” ლიდერი, შალვა ნათელაშვილი ტელეკომპანია “პირველის” 6 მარტის გადაცემის “ნოდარ მელაძის შაბათი” ანონსს ეხმიანება, სადაც ბერა ივანიშვილისა და ირაკლი ღარიბაშვილის ფარული ჩანაწერების გასაჯაროვება ხდება და მოსახლეობას, ანონსში გაჟღერებული პოზიციების გამო, პროტესტის გამოხატვისა და ქუჩაში გამოსვლისკენ მოუწოდებს:
“ვინც ამის ნახვის შემდეგ ქუჩაში არ გამოვა, ის არაა ღირსი სამშობლო ჰქონდეს და მეც დამანებეთ თავი უკვე“, – აცხადებს შალვა ნათელაშვილი.
ინფორმაციისთვის: როგორც ტვ “პირველის” ანონსიდან ჩანს, ჩანაწერებში საუბარია კონკრეტულ სადამსჯელო ღონისძიებებზე, დაშინებასა და შეურაცხყოფაზე.
