საქალაქო სასამართლოს სარჩელით მიმართავს პოლიტიკური ორგანიზაცია “ახალი საქართველოს” პოლიტსაბჭოს წევრი, ანა კობახიძე. ოპოზიციური პარტიის წარმომადგენლის თქმით, იუსტიციისა და შს სამინისტროებმა, დაფარეს მის მიერ გამოთხოვილი, საჯარო ინფორმაცია და არ მიაწოდეს პასუხი. საქმე ეხება უწყებების თანამშრომელთა სამივლინებო ხარჯებს. როგორც “ახალი საქართველოს” წარმომადგენელი განმარტავს, ინფორმაცია არის საჯარო და თუ კონკრეტული უწყებები არ ახდენენ დროულ რეაგირებას, მაშინ აღნიშნული საჯარო ინფორმაციის მოპოვებას სასამართლოს გზით შეეცდება.
“19 თებერვალს, იუსტიციისა და შინაგან საქმეთა სამინისტროებისგან, მოვითხოვეთ საჯარო ინფორმაცია, მათი თანამშრომლების მივლინებების შესახებ. კანონით დადგენილ ვადაში არ მოგვეწოდა აღნიშნული ინფორმაცია და არც უარის პასუხი გამოუგზავნიათ ჩვენთვის. უარის პასუხი არც შეიძლებოდა ყოფილიყო, რადგან ადმინისტრაციული კოდექსი საჯარო უწყებებს ავალდებულებთ, საჯარო ინფორმაციას მიკუთვნებული ყველა ინფორმაცია გასცეს დაუყონებლივ.
ჩვენთვის კითხვები გააჩინა წულუკიანის და გახარიას უწყებების ამ ქმედებამ, რადგან გაჩნდა ეჭვები – რას შეიძლება მალავდნენ, რატომ არის გასაიდუმლებული 2017 და 2018 წლებში რამდენი თანამშრომელი გაემგზავრა მივლინებაში, რა თანხას შეადგენდა სამივლინებო ხარჯები და რაც მთავარია მივლინების შემდეგ რა შედეგებით დაბრუნდნენ თანამშრომლები სამინისტროში.
გამომდინარე აქედან გადავწყვიტეთ მიგვემართა სასამართლოს ადმინისტრაციული კოლეგიისთვის და სასამართლოს გზით მოვიპოვოთ იუსტიციის და შინაგან საქმეთა სამინისტროს სამივლინებო ხარჯების შესახებ “გასაიდუმლოებული” ინფორმაცია” – აღნიშნა ანა კობახიძემ.
