“სამწუხაროდ, ასეთი დაზიანებული ეპარქია არსად მინახავს – სულიერად, ფსიქიკურად და ფიზიკურად” – მეუფე გრიგოლი

ჭღონდიდის ეპარქიაში მღვდელმთავრად 2019 წლის ოქტომბერში დანიშნული ეპისკოპოსი გრიგოლ კაცია ტოვებს ეპარქიას და სინანულით აღნიშნავს, რომ ეპარქიამ იგი არ მიიღო:

“როცა ჩამოვედი, აქ სამწუხაროდ დამხვდა ისეთი სიტუაცია, რომ ბევრი, ბევრი, ვინც ამ ეპარქიაში იყო, ვერ მიმიღო როგორც მღვდელმთავარი.

იმ დღიდან, სამწუხაროა, რომ ეპარქიაში არის აგრესია, სიძულვილი.

სამწუხაროა, რომ ის ბერები, მამები, ერთად რომ გაიზარდნენ, ერთად მოღვაწეობდნენ, ვინც ერთად აღიკვეცნენ, ერთმანეთს არ ესალმებიან, უპირისპირდებიან. მეუბნებიან – აბა გაუშვი ეს ადამიანი, მოხსენი ჯვარი.

სამწუხაროდ, ასეთი დაზიანებული ეპარქია არსად მინახავს – სულიერად, ფსიქიკურად და ფიზიკურად,” – განაცხადა მეუფე გრიგოლმა.