“ქართული ოცნების” პოლიტსაბჭოს წევრი, პარლამენტარი შალვა პაპუაშვილი ქართველი აქტივისტების მიერ ჩატარებულ დაუმორჩილების აქციას სოციალური ქსელის მეშვეობით ეხმიანება და მკვეთრად ნეგატიურ შეფასებას აძლევს მას:
“ანტი-ლოქდაუნ აქციები ევროკავშირის ქვეყნებშიც იმართება. ამაში ჩვენ მათ ვგავართ. იქ, ამ აქციებს, რადიკალი მემარჯვენეები, კონსპირაციის თეორიის მიმდევრები, მეცნიერების უარმყოფელი მარგინალები მართავენ.
როგორც ჩანს, ამაშიც ვგავართ.
ოღონდ ჩვენები, ამ ყველაფრის მერე, ვითომც არაფერი, საღამოს თოქშოუებში დასხდებიან და ჰუმანიზმზე და ევროპულ ღირებულებებზე გაგვესაუბრებიან.
აი ისინი, ამ წუთას, პოლიციელს, პირპადის გარეშე, სახეში რომ ასუნთქავენ,” – წერს ფეისბუქის საკუთარ გვერდზე შალვა პაპუაშვილი.
კომენტარები - დატოვეთ თქვენი მოსაზრება