გენერალური პროკურატურის მიერ რამდენიმე საათის წინ გაკეთებულ განცხადებას, ნიკა მელიას პროკურატურაში განმარტებების მიზნით დაბარების თაობაზე, საგანგებო ბრიფინგით პასუხობს “ერთიანი ნაციონალური მოძრაობის” თავმჯდომარე და აცხადებს, რომ ის მართალია ამ ბრძოლაში და შესაბამისად არ აპირებს გირაოს გადახდას:
“პირდაპირ მთავარ სათქმელზე გადავიდოდი და გეტყვით, რაც არის მთავარი:
“არ გადავიხდი და ვერ დამიჭერთ”!
აქვე მსურს ვთქვა კიდევ უფრო მთავარი, ჩემი აზრით:
მე ძალიან დიდ პატივს ვცემ სახელმწიფო ინსტიტუტებს, თუმცა როცა ქვეყანაში პროკურატურა შოთაძე-ფარცხალაძის საკუთრებაა, როცა ქვეყანაში სასამართლო მურუსიძე-ჩინჩალაძის საკუთრებაა, პარლამენტი კი კობახიძე-გავრილოვის სახეს წარმოადგენს და ეს ყველა ფიგურანტი, ე.წ. ინსტიტუტი, თავის მხრივ, ბიძინა ივანიშვილის ჯიბეშია, მომიტევეთ, მაგრამ მე არანაირი მორალური უფლება არა მაქვს მონაწილეობა მივიღო ამ ფარსში, ფარსში. ამიტომ ყველას უნდა გვახსოვდეს, რომ ეს ბრძოლა არის ძალიან მართალი ბრძოლა, ამ ბრძოლაში მე ვარ მართალი, რაც ჩემთვის ძალიან მნიშვნელოვანია, ეს არის ჩემი ენერგიის წყარო და ჩვენ ამ ბრძოლაში გავიმარჯვებთ.
კიდევ ერთხელ ვიმეორებ – არ გადავიხდი და ვერ დამიჭერთ!“, – აცხადებს ნიკა მელია.
