ტრამპის “უჩვეულო” პრეზიდენტობის ოთხწლიანი ვადის სამარცხვინო დასასრული – სერგო ჩიხლაძე

140

ამერიკის შეერთებულ შტატებში, კაპიტოლიუმის შენობაში, დონალდ ტრამპის მომხრეების შეჭრის ფაქტს და იქ განვითარებულ მოვლენებს ეხმაურება სერგო ჩიხლაძე, პოლიტიკური პლატფორმა “სტრატეგია აღმაშენებლის” ერთერთი ლიდერი. ოპოზიციონერ ლიდერს მიაჩნია, რომ არჩევნების მშვიდობიანი გადაბარება უმნიშვნელოვანესია და ყველა ლიდერი მზად უნდა იყოს ძალაუფლების დათმობისთვის:

ტრამპის “უჩვეულო” პრეზიდენტობის ოთხწლიანი ვადის სამარცხვინო დასასრული. რა დასკვნის გამოტანა შეიძლება გუშინდელი მოვლენებიდან:

1. ძალადობა დაუშვებელია!

2. ყველა ლიდერი მზად უნდა იყოს ძალაუფლების დათმობისთვის და მშვიდობიანი გადაბარებისთვის!

3. განვითარებული სახელმწიფო ინსტიტუციების და დემოკრატიის არსებობა არის მთავარი! ზუსტად ამან გადაარჩინა გუშინ ამერიკა, რომელიც საუკუნეებია აშენებს ამ ინსტიტუციებს.

4. არჩევანის გაკეთებისას, ამომრჩეველი მეტად უნდა დაფიქრდეს და გონივრულად გადაწყვიტოს თუ ვის ირჩევს, ვის აბარებს ქვეყანას. მით უმეტეს, ისეთ ქვეყანაში როგორიც ჩვენია, სადაც ინსტიტუციებიც და დემოკრატიაც განვითარების დაბალ საფეხურზეა“, – წერს ფეისბუქის პირად გვერდზე სერგო ჩიხლაძე.

კომენტარები