2020 წლის 3 ნოემბერის საპრეზიდენტო არჩევნები და მისი შედეგები, შემდგომ განვითარებული მოვლენებით, აუცილებლად შევა არა მარტო ამერიკის შერთებული შტატების ისტორიაში, არამედ მსოფლიო ისტორიაშიც. როგორც ცნობილია, ამ არჩევნებში გამარჯვებულად გამოცხადდა პრეზიდენტობის დემოკრატი კანდიდატი ჯო ბაიდენი, თუმცა მოქმედმა პრეზიდენტმა, დონალდ ტრამპმა არჩევნების შედეგები არ აღიარა და იგი გაყალბებულად ჩათვალა.
რამდენიმე საათის წინ კაპიტოლიუმში დისკუსია დაიწყო კონგრესმენებსა და სენატორებს შორის, პრეზიდენტ ჯო ბაიდენის პრეზიდენტად დამტკიცების თაობაზე. პოზიციები განსხვავებული იყო რესპუბლიკელებსა და დემოკრატებს შორის. პრეზიდენტო არჩევნების შედეგების გამოცხადებამდე კი ამერიკის ისტორიაში უპრეცენდენტო ფაქტი მოხდა – დონალდ ტრამპის მომხრეები/მხარდამჭერები შეიჭრნენ კაპიტოლიუმში და ჩაშალეს კენჭისყრის პროცედურა. აღნიშნულ ვითარებაში შეუძლებელი გახდა სხდომის გაგრძელება, იგი შეწყდა და შენობიდან განხორციელდა კანონმდებლების ევაკუაცია.
სამწუხაროდ, ინციდენტს არ ჩაუვლია უმსხვერპლოდ. შენობაში გამოყენებული იქნა ცეცხლსასროლი იარაღი, მოხდა გასროლაც, რასაც 4 ადამიანის სიცოცხლე ემსხვერპლა. არიან დაშავებულებიც – როგორც დემონსტრანტების მხრიდან, ისე სამართალდამცავები.
