“ლეიბორისტული პარტიის” თავმჯდომარე შალვა ნათელაშვილი ბრიფინგზე ხელისუფლებასთან მიმართებაში უცხოეთის მხარდაჭერასთან დაკავშირებით საუბრობს და აცხადებს, რომ არალეგიტიმურ მთავრობას არ უჭერენ მხარს სტრატეგიული პარტნიორები:
“სტრატეგიული პარტნიორობა ნიშნავს იმას, რომ სტრატეგიული პარტნიორი პირველ რიგში ხალხს უჭერს მხარს და არა პოლიტიკურ ელიტებს, რომლებიც მიდიან და მოდიან. მით უმეტეს, ისეთ ელიტას, რომელიც ჩვენ გამოგვიგზავნა პუტინმა, რომლის სიძლიერე დამყარებულია ფულზე, მოსყიდვაზე, ძალადობაზე, დიქტატურაზე – პირდაპირი გაგებით, პოლიტპატიმრებზე, არჩევნების გაყალბებაზე, ხალხის გაღატაკებაზე და ქვეყნის დაქცევაზე.
არც ტრამპს, არც პენსს და არც პომპეუს არ მიულოციათ, კონკრეტულად ამ არალეგიტიმურ თანამდებობაზე, არალეგიტიმური პარლამენტის მიერ, თვალთხარია გახარიას დანიშვნა.
ქვეყანას აზიანებს რუსი ოლიგარქის ქმედებები, რომელმაც ციხეები პოლიტპატიმრებით გაავსო, მშვიდობიან მიტინგზე ბავშვებს თვალები დათხარა, ხალხს აღუკვეთა სამუშაო, საარსებო, სოციალური, ეკონომიკური პირობები, საქართველოდან გააძევა ამერიკული მსხვილი ბიზნეს ინვესტორები, ქვეყანა ჩააბარა და შემოაღობინა პუტინს და ცოტაოდენი ალიევსაც.
ოპოზიცია მანამ არ შევა სახლში და არ დაისვენებს, სანამ ივანიშვილს არ გამოვიტანთ სოლოლაკის სასახლიდან, ახალი არჩევნების გზით“, – აცხადებს შალვა ნათელაშვილი.