“ჩვენ მაქსიმალურად ვცდილობთ, მივიღოთ დაბალანსებული გადაწყვეტილება” – ნათია თურნავა

რამდენიმე დღეში დაგეგმილია, უწყებათაშორისი საკოორდინაციო საბჭოს გადაწყვეტილებით, ქვეყნის მასშტაბით, 28 ნოემბრიდან – 31 იანვრის ჩათვლით დაწესებული გამკაცრებული შეზღუდვების, დროებით მოხსნა. აღნიშნულთან დაკავშირებით კონკრეტულ განმარტებებს აკეთებს ეკონომიკისა და მდგრადი განვითარების მინისტრი ნათია თურნავა და აღნიშნავს, რომ გადაწყვეტილება, საბოლოოდ, მიღებული არ არის

“გადაწყვეტილება საბოლოოდ მიღებული არ არის. მნიშვნელოვანია ჩვენი ეპიდემიოლოგების პოზიცია, რომელიც უფრო კონსერვატიულია და რა თქმა უნდა, ვიმსჯელებთ.

ჩვენ მაქსიმალურად ვცდილობთ, მივიღოთ დაბალანსებული გადაწყვეტილება – ერთის მხრივ გავითვალისწინოთ ეკონომიკური ინტერესები, გავითვალისწინოთ მცირე ბიზნესის და იქ დასაქმებული ადამიანების ინტერესები, მაგრამ მეორეს მხრივ ყველაზე უზენაესი ინტერესი – ადამიანების ჯანმრთელობა,”- აღნიშნა ნათია თურნავამ.