გარდაიცვალა ლეგენდარული არგენტინელი ფეხბურთელი დიეგო არმანდო მარადონა

109

არგენტინელი ფეხბურთელი, დიეგო მარადონა მოიხსენიება მსოფლიოს ყველა დროის საუკეთესო ფეხბურთელად. მარადონამ არგენტინის ეროვნულ ნაკრებში ჩაატარა 91 მატჩი და გატანილი აქვს 34 გოლი.

დიეგო მარადონას მოგებული აქვს FIFA-ს ,,საუკუნის საუკეთესო ფეხბურთელის” პრიზიც.

BBC-ის ირფორმაციით, დიდი არგენტინელი ფეხბურთელი 60 წლის ასაკში, საკუთარ სახლში გარდაიცვალა.

მის დაღუპვასთან დაკავშირებით მწუხარებას გამოთქვამს ლიონელ მესი, რომელიც ინსტაგრამის გვერდზე წერს:
,,ძალიან სამწუხარო დღეა ყველა არგენტინელისა და ფეხბურთელისთის. დაგვტოვა, მაგრამ არ წასულა“, – განაცხადა მესიმ.

ასევე, Twitter-ზე კომენტარი გააკეთა კრიშტიანუ რონალდუმ:
,,დღეს მე ვემშვიდობები მეგობარს, მსოფლიო კი – საუკუნო გენიოსს. ყველა დროის ერთერთი საუკეთესო, უბადლო ჯადოქარი. ის ძალიან მალე წავიდა, დატოვა უსაზღვრო მემკვიდრეობა და შეუვსებელი სიცარიელის განცდა. მშვიდად განისვენე, ლეგენდავ. არასდროს დაგივიწყებთ“, – წერს კრიშტიანუ რონალდუ

შეგახსნებეთ, რომ არგენტინელმა ფეხბურთელმა ნოემბრის დასაწყისში თავის ტვინის ოპერაცია გაიკეთა. ასევე, გავრცელებული ინფორმაციით მარადონა ალკოჰოლის ხშირი მომხმარებელი იყო და ცდილობდა მასზე უარის თქმას.

ავტორი
ნინი ხიჯაკაძე

კომენტარები