ქართველი ფეხბურთელი და მწვრთნელი, თემურ ქეცბაია საქართველო-მაკედონიის საფეხბურთო მატჩის შედეგს ეხმიანება, მისი აზრით დამარცხების მიზეზი არა რაიმე გარე ფაქტორი, არამედ ფეხბურთელების მიერ დაშვებული შეცდომებია, რის გამოც ხარისხიანი ფეხბურთი ვერ შედგებოდა:
‘‘რაც შეეხება ნაკრებს, არ არსებობს თავის გამართლების მიზეზი, არ არსებობს ჩაკვეტაძის მიზეზი, არ არსებობს კვარაცხელიას მიზეზი, არ არსებობს კალაძე რომ ახალგაზრდა ყოფილიყო და მესი რომ საქართველოში დაბადებულიყო მიზეზი, არ არსებობს მაყურებლის მიზეზი...
ასეთი თამაში უნდა ადგე და უბრალოდ უნდა მოიგო, თუნდაც ლიდერების გარეშე, თუნდაც მაყურებლის გარეშე, რომელიც იცი, რომ სახლიდან შენზე ლოცულობს, წუთებს და წამებს ითვლის თამაშამდე და შენ ორ პასს ვერ აკეთებ, კუთხურს ვერ აწვდი და ჯარიმის დროს ცოცხალ კედელს ვერ აცდენ...
მაყურებელი სხვა მუხტს დადებდა, მაგრამ მოთამაშეების პასებს ვერ გამოასწორებდა, ნაკრები ხარისხიან ფეხბურთს ვერ ითამაშებდა ასეთი უსახური ფეხბურთელებით..’’, – ამბობს თემურ ქეცბაია.
ავტორი
ანა რობაქიძე
