ოპოზიციური პარტიების გაერთიანებული საპროტესტო აქცია რუსთველის გამზირზე გუშინ 3 საათზე შეიკრიბა, ოპოზიციური პარტიის ლიდერებმა ხელისუფლებას 3 მოთხოვნის შესასრულებლად ვადა 20:00 საათმდე მისცეს, ვადის ამოწურვის შემდეგ კი ცენტრალურ საარჩევნო კომისიასთან გადაინაცვლეს. ოპოზიციური პარტიების მოთხოვნებია 1. ხელახალი თავისუფალი და სამართლიანი არჩევნების ჩატარება; 2. ცესკოს თავჯდომარის, თამარ ჟვანიას გადადგომა და კომისიების სამართლიანი პრინციპით დაკომპლექტება; 3. პოლიტპატიმრების გათავისუფლება.
ცესკოს შენობასთან დაპირისპირება მოხდა საპროტესტო აქციის მონაწილეებსა და სამართალდამაცავებს შორის, რასაც მოჰყვა წყლის ჭავლის გამოყენება, რის შედეგადაც დაშავდა რამდენიმე ადამიანი, მათ შორის მედიის წარმომადგენლები. დაზიანებები მათ, ძირითადად სახის, თვალის არეში მიიღეს.
დაშავებულებს შორის არის ტელეკომპანია „პირველის“ ოპერატორი. აღნიშნულ ფაქტთან დაკავშირებით მწვავე, ემოციურ პოსტს და ფოტოს, სოციალურ ქსელში, ინგა გრიგოლია ავრცელებს:
“ამ ბიჭის თვალია მისი პროფესია. თვალით მუშაობს, თვალია მისი მთავარი პროფესიული იარაღი, თვალით იხედება კამერაში და ისე აშუქებს მოვლენებს 😪❤️ ამ წუთებში საოპერაციოდ შეიყვანეს, დღევანდელ აქციაზე დაშავების შემდეგ😡😡😡 პაპუნას გამოჯანმრთელება,ვინც ამას ამართლებს,მართლა აღარასოდეს შემეხმიანოთ”, – განაცხადა ინგა გრიგოლიამ.
ამავე აქციაზე, „ფორმულას“ ჟურნალისტი და ოპერატორი დაშავდნენ. გიორგი თარგამაძის ინფორმაციით, ჟურნალისტ ბარათაშვილს სახე, ოპერატორ გიორგი ჯაფარიძეს კი თავი აქვს დაზიანებული.
ავტორი
ემილი ფეიქრიშვილი
