“ჩვენს მოქალაქეებს შევუმსუბუქებთ მომავალ თვეებს, როდესაც ეს მათ განსაკუთრებით სჭირდებათ” – გიორგი გახარია

პრემიერ-მინისტრმა, გიორგი გახარიამ მთავრობის სხდომაზე ანტიკრიზისული მხარდაჭერის გეგმის მესამე ტალღაზე ისაუბრა, რომლის მიხედვითაც ქართველ მოსახლეობას მომდევნო 4 თვის განმავლობაში კომუნალური გადასახადები შეუმსუბუქდებათ:

‘‘როგორც ადრე დავაანონსეთ, ანტიკრიზისული ღონისძიებების მე-3 ეტაპზე, 1 ნოემბრიდან 4 თვის განმავლობაში (ნოემბერი, დეკემბერი, იანვარი, თებერვალი) უკვე ამოქმედდება:

1. ელექტროენერგიის საფასურის ანაზღაურება – 200 კვტ. სთ–მდე – 1.2 მილიონზე მეტ ოჯახს.
2. წყლისა და დასუფთავების გადასახადის ანაზღაურება.
3. გაზის საფასურის ანაზღაურება – 200 მ3-მდე – 650 ათას ოჯახს.

• სურვილის შემთხვევაში მოქალაქეს ექნება შესაძლებლობა დახმარებაზე თქვას უარი.
• გლობალური კრიზისის ფონზე ჩვენს მოქალაქეებს შევუმსუბუქებთ მომავალ თვეებს, როდესაც ეს მათ განსაკუთრებით სჭირდებათ,’’ – განაცხადა გიორგი გახარიამ.

ავტორი
ანა რობაქიძე